Փարաջանովին

այս ի՞նչ

նոր թխած

գաթայի հոտ է

դանդաղ

տարածվում

կանաչ տարածքում

մա՞յրս է

խոնարհված թեյնիկի վրա

աղոթք քլքլթում

թե՞

թեյնիկն ինքն է

Բուդդայի նման

կլոր բառերով

խոսում մորս հետ

բոլոր դեպքերում

նավթի

գաթայի

մորս մատների

գումարելին է

հոտն այս տարածքի

ահա

սևագործ

երկու հրեշտակ

գրասեղանս

տեղավորեցին

գացօջախի մոտ

ու...

անհետացան

շարժվող ամպի մեջ

այս ո՞ւր եմ ընկել

ի՞նչ է

գաթայի

հո՞տ ունի մահը

այստեղ վերևում

Աստված

չլինի՞

մեռել եմ արդեն

ու... ուզածիս պես

դրախտի տեղը`

ընկել

խոհանոց

Աստված...

դեմք ես Դու