Խոհանոցում

Խոհանոցում՝

սեղանի

ու

սառնարանի միջև

գազօջախին հակված

գաղտնի՜

ծերանում է մայրս

մահվան հայելու մեջ

ես տեսա ինձ մի օր

(մորս ծեր դեմքով)

ու դուր եկավ աչքիս

պառավը այդ

իսկ

դրախտը` ասեմ

կրկնվող մղձավանջ

գիշերվա մեջ

հազարավոր

մորուքավոր մարդիկ...

իմաստուններ

բազմած շքեղ

գահերի մեջ իրենց

միանման

ու շփոթված`

ես փնտրում եմ ճշգրիտ

դեմքն ա՛յն

որ կսազեր կոնկրետ

խոսքի՛ հետ

Սուրբ Գրքի մեջ

իզուր չէ որ ...

քնից արթնանում եմ հոգնած

... ամեն անգամ