top of page
Ձմռան այդ կետում
պարի հենց մեջտեղում
երբ վտանգավորինս մոտ եմ
Տիրոջը ես
սիրում եմ կոտրել երբեմն
ինքնավստահ մեջքը տղամարդու
աննկատ հայտնվելով պտույտի մեջ
մեկ ուրիշի գրկում – անակնկալ
իսկ Դու
փրկեա զիս այդ պահին
երկնքի ուժից ձգողության
սեղմելով ինձ հողին ու Քեզ
կոտրելու չափ ամուր –
ու համբուրիր
հ.գ. նայիր կլառնետիստին
(առանց համբուրելդ ընդհատելու)
ինքնամոռացը մի կողմ
մատների ճշգրտությունն է սպանում ինձ
bottom of page