top of page
(որդեկորույս մոր դիմանկարի փորձ)
Ջահել
շփոթի մեջ ու
դեռեւս անփորձ` ապրելու
որպես որդեկորույս այսուհետ
ընդմիշտ ու
անդարձորեն
զինվորի մայրը նախ ջնջում է
շրթներկի ալ կարմիրը հայելու մեջ
ստանալով լրիվ նոր շրթունքներ`
այլեւս անկարող երջանկության
ու նաեւ նոր գույն բոլորովին
որպես «մեղավոր վարդագույն»
անարյուն երանգը այն վհատ վարդի
որ վաճառվում է սովորաբար
մահվան մյուս ապրանքների հետ
գերեզմանանոց տանող ճանապարհին
մոմերի
խունկի
ու ածխի կողքին
bottom of page