ԿՏԱԿ

Երբ մեռնեմ

այրեցեք մարմինն իմ երրորդ օրը

ու մոխիրս շաղ տվեք խնամքով

մի ծաղկած թփի վրա մոտակայքում

որպեսզի միօրյա թիթեռ մի

կրի ինձ բեղի վրա ակամայից

ու մեռնեմ ես նրա հետ հաջորդ օրը

լուսամփոփի լույսի մեջ կրկին անգամ

ապա մեր համատեղ մոխիրը

տեղադրեք տուփի մեջ քառակուսի

ու պահեք թփի տակ վերոհիշյալ

ինչպես գանձն են պահում – գաղտնի

ապագայում հանելու մտադրությամբ

կամ` չէ

մոխիրս հանձնեք օվկիանոսին եւ կամ

շրջակայքում հոսող ինչ-որ բանի

կամ` քամուն տվեք … ո~ւֆֆ

չգիտեմ

դուք գիտեք

ինչպես կուզեք

հ․գ․ եղածը մոխիր չէ՞… հոգնեցի… ո~ւֆֆֆ