top of page
Ապրիլի 24
գիշեր
քամիները փչում են գլխիս միջով
պատկերները շարժվում են գլխիվայր
ու պտտվում
մեկանիվ հեծանիվով ծաղրածուի
ուզո՞ւմ ես պատմեմ քեզ – լսի′ր
զվարթ պատմությունը պապիկիս հոր
մահից մազապուրծ այն թուրքի մասին
որ փրկվել էր շնորհիվ մեղուների
(աստվածներ՝ բաժանված մեղրամոմով)
– ո~նց պատեցին քյոմուր երեսը
թրաշի ճերմակ փրփուրի պես
ո՛նց փախավ-կորավ չարագործը
Վանի ծառաշատ փողոցներում
բայց ես սոսկ մեկն եմ միլիոններից…
ՄՅՈՒՍՆԵՐԸ
ներծծվեցին ավազի մեջ
անապատը նրանց ներս քաշեց
փոշոտ քթանցքներով
ինչպես գազան
ապրիլի 24
հարյուրամյա
քամիները փչում են գլխիս միջով
խփվում պատկերներին ու փշրվում
ինչպես ՄՅՈՒՍՆԵՐԸ... ավազի մեջ
bottom of page